martes, 22 de maio de 2018

FOTOS DO ENCONTRO DOS CLUB MANGA

VISITA DO CLUB MANGA A CATABOIS

Ola rapaces!
Este mes é o dos encontros e hoxe tivo lugar o I Encontro dos Clubs Manga de Catabois e do Sofía Casanova. Recibíronos alí con moito agarimo. E sei de boa fonte que algunha botou unha lagrimiña ao recordar vellos tempos. 

Logo de ensinarnos a súa fermosa biblioteca, subimos ao salón de actos decorado con motivos manga onde comimos. Invitáronos a bebida e a fruta. A continuación Saúl e Alicia, dous rapaces do Catabois, fixeron a presentación das súas actividades. Seguidamente todos falamos a partir dun xogo de autopresentación no que algún fixo os seus pinitos en xaponés. Escoitamos moitas recomendacións interesantes.

Carolina e Iván, pola nosa parte, falaron das nosas actividades e proxectamos o video sobre diversidade que acabamos de rematar.



Cun agasaio mutuo de sendos marcapáxinas conmemorativos, despedímonos ata o vindeiro curso no que toca que eles veñan a ver a nosa biblioteca.



Creo que hoxe foi o comezo de moitas bonitas amizades.
Ata pronto!







mércores, 16 de maio de 2018

CELEBRANDO O DÍA DAS LETRAS GALEGAS

Ola a todos!
Nestas datas para celebrar o Día das Letras Galegas estanse a realizar distintas actividades no noso instituto iremos contando algunhas máis adiante, polo momento deixamos aquí unha presentación na que podedes ver o cartel que fixemos co alumnado de 3º da ESO, algúns marcapáxinas dos de 1º da ESO e un tríptico sobre MARÍA VICTORIA MORENO.

martes, 15 de maio de 2018

DÍA DAS LETRAS GALEGAS

Ola rapaces!

Con motivo do Día das Letras Galegas que celebramos o vindeiro 17, a biblioteca quere lembrar a María Victoria Moreno. Esta escritora e profesora que nada en Extremadura e educada en Segovia, Barcelona e Madrid, chegou un bo día a Galicia. E aquí fixo súa a patria e a lingua galegas.



Ela mesma explicaba:
"A miña relación con Galicia e a miña opción pola súa lingua é simplemente unha historia de amor".
"Por isto penso que a situación do galego non se pode ver con indiferenza. Se estou coa xente amasa o meu pan e colle no mar os peixes da miña mesa tamén quero falar con eles, falas a súa fala."



Por este compromiso, a RAG lle adica as Letras Galegas.
Ademáis de moitos artigos científicos da súa especialidade en Filoloxía Románica, e libros de texto, María Victoria Moreno escribió:


NOVELAS:
Mar adiante (Historia de nenos par nenos (1973).
A festa no faiado (1983).
Leonardo e os fontaneiros (1986)
O cataventos (1989).
Anagnórise (1989).
¿Un cachiño de bica? (1994)
¿E haberá tirón de orellas? (1997)
A brétema (1999)
Guedellas de seda e liño (1999)



POESÍA:
Eu conto, ti cantas (2005)
Ensaio, poesía e narración. Diario da luz e a sombra (2004)
Elexías da luz (2006).
Onde o aire non era brisa (2009)

Recomendamos vivamente a súa lectura!










mércores, 9 de maio de 2018

NO IES FERROL VELLO

Ola rapaces!
Pois sí, este último trimestre está sendo o das visitas. Estivemos no IES Concepción Arenal, onte no IES Ferrol Vello e o vindeiro día 22 imos ao IES de Catabois.
Pero agora toca falar da visita de onte no Ferrol Vello na que os dous Clubs do noso centro: o Club de Ciencia e o Club de Lectura uniron intereses para facer unha actividade conxunta. O que, debo dicir, foi un auténtico éxito. Hai que repetilo!

A verdade que a caminata non foi pequena, pero logo recibíronos cunha exquisita hamburguesa coa que retomamos forzas. 

Os rapaces de Ferrol Vello eran moi agarimosos e estaban perfectamente organizados. Dividíronos en grupos pequenos comandados polos voluntarios. Foron rotando nas distintas estancias: laboratorio, aula de teconoloxía, biblioteca, aula de informática, etc. onde debíamos facer distintos experimentos.

Tiveron o detalle de agasaiarnos cunha medalla do seu instituto feita coa super impresora en 3D.

Logo de rematar as actividades, despedímonos con pena, pero coa ledizia de haber atopado novos amigos. 

Quedamos que o vindeiro curso, teñen que vir eles ao noso centro.

luns, 7 de maio de 2018

VISITA Ó IES FERROL VELLO


Ola a todos! Esta semana o club de ciencias e o club de lectura xuvenil, do noso instituto visitan o IES FERROL VELLO.





venres, 4 de maio de 2018

Fálame da emigración



Este xoves 3 de maio os estudantes de 2º da ESO tiveron a segunda sesión de traballo dentro do proxecto “Fálame da emigración” organizado por Afundación. Nesta segunda sesión os alumnos poideron explicar aos voluntarios deste programa as súas investigacións realizadas sobre as súas familias o que serviu para coñecer e analizar o fenómeno das migracións contemporáneas contando con casos reais e próximos.

Na web de Afundación podedes tamén acceder ás fotos da primeira sesión. No Diario de Ferrol aparece recollida a realización desta actividade. Esta é a presentación que recolle o traballo realizado.




Durante estes días poderedes ver na biblioteca os mapas cos códigos qr que enlazan aos traballos feitos polos alumnos de 2º da ESO.




sábado, 28 de abril de 2018

CELEBRANDO O DÍA DO LIBRO COS NOSOS MAIORES

Ola rapaces!
Como esta semana foi tan completiña, aínda non fixemos a entrada da visita a Geriatros do mércores día 25. 
As palabras quédanseme curtas, pois se sempre estou orgulloso de vós, o desta volta foi incrible. Todos, absolutamente todos. Dende os Quixotes, Sanchos, ata os portadores dos muíños, pasando polo Ginés, o Garda, a Sobriña, a Ama, o Cura e o Barbeiro, e polas recitadoras de sonetos, e, como non, a nosa presentadora, todos, todiños estivestes de dez.
Parabéns! 
E grazas polo voso tempo, polo voso entusiasmo que non para de medrar. E xa somos vinte e dous!
O mellor será que botedes unha ollada aos vídeos que preparou, coma sempre, Vily.


mércores, 25 de abril de 2018

Certame Poesía e Imaxe en Galego, Sen Filtro

Ola rapaces!
 Este ano varios alumnos do centro participaron  no  Certame de Poesía e Imaxe en Galego, Sen Filtro, convocado pola  área  de Normalización Lingüística do Concello de Ferrol. Da exposición que se fixo no hall do instituto, recollendo os traballos dos  alumnos de 3º e 4º da ESO de Educación plástica, visual e audiovisual, os de 1º de Bacharelato  de Imáxe dixital e os de 2º de Bacharelato de Técnicas de expresión gráfico plásticas, fixemos unha pequena presentación que vos deixamos aquí.

Visita ao IES Concepción Arenal

Ola! Onte acudimos á nosa cita anual cos membros do club de lectura do IES Concepción Arenal. Pasamos un rato fantástico grazas á hospitalidade do equipo de biblioteca liderado por Ana Vizoso e desfrutamos das capacidades artísticas excepcionais dos participantes nos clubs de lectura. Para que poidades desfrutar todos dunha parte do vivido por nós nesa reunión, deixamos o seguinte vídeo cunha interpretación espectacular dunha canción en italiano:


 

As compañeiras do IES Concepción Arenal interpretaron un lance de Os vellos non deben de namorarse, que incluíu a interpretación de Lela, e varios compañeiros leron textos de Cousas: "Cando Bieito quedou orfo" e "Chámanlle a Marquesiña".

Os participantes do club de lectura do IES Sofía Casanova recitamos tamén textos de Cousas: "No escuro caletre de Martiño", "O pai de Migueliño", "Camiño esquecido", "Si eu fose autor", "Romualdo era un home fino" e "Esta morea de pedras e tellas". Nas hiperligazóns podedes desfrutar de todas intervencións.

Moitas grazas ao IES Concepción Arenal pola vosa acollida e até o curso que vén!

martes, 24 de abril de 2018

ACTIVIDADES DO DÍA DO LIBRO: 23 DE ABRIL

Ola rapaces!
Parabéns a todos os que participastes na lectura de poemas de onte organizada polo Departamento de Lingua Castelá e Literatura para celebrar o Día do Libro. 
Sodes uns magníficos recitadores de textos. 
Espero que pasarades un bo día e que teñades ganas de ler e de escribir poesía a partires de agora.
Déixovos un vídeo con algunhas imaxes do recital.




luns, 23 de abril de 2018

DÍA DO LIBRO

Ola rapaces e rapazas!

Unha entradiña rápida para felicitarvos a todos polo Día do Libro.
Sabedes que esta semaná está chéa de eventos.
  • Hoxe temos a lectura de poemas por cursos no Salón de Actos organizada polo Departamento de Lingua Castelá e Literatura.
  • O martes 24 imos a visitar o Club de Lectura do IES Concepción Arenal no que faremos unha homenaxe a Castelao.

  • O mércores 25 imos a Geriatros para celebralo cunha dramatización do Quixote.   


Felices Lecturas para todos!
Cartel do Dpt. de LINGUA ESPAÑOLA

martes, 17 de abril de 2018

OS NENOS DA VARIOLA

Ola rapaces! Esta vez escribo xustiño ao remate da nosa sesión de hoxe sobre a novela de María Solar, Os nenos da variola.


Logo dalgúns problemas de última hora, Carlos fíxonos unha estupenda presentación. Falounos da vida e obra da escritora, presentadora da TVG. Contounos o argumento da novela, baseado en feitos reais, a Real Expedición Filantrópica da Variola, no ano de 1803. Describiunos os personaxes: os nenos (Ezequiel, Clemente, Inés, Benito, Tomás...); os doctores (Posse, Balmis, Salvany); as mulleres (Isabel de Zendal, Candela, a irmá Valentina...). 

Tamén vimos un reportaxe sobre a serie 22 anxos, sobre a historia épica desta expedición.


Como xa é habitual, Eva preparounos un xogo sobre a novela. Esta vez un Kahoot, moi dinámico e divertido.


Espero que vos gustara a sesión. Vémonos pronto.


luns, 9 de abril de 2018

INFOGRAFÍA VOLUNTARIADO

Ola rapaces! 
Deixamos aquí unha infografía na que podedes ver o traballo que está a realizar o grupo do voluntariado da nosa biblioteca. 

venres, 23 de marzo de 2018

UN MUNDO DE LENDAS

Ola rapaces!
Antes que nada, quixera desexarvos unhas felices vacacións de Semana Santa, nas que espero que aproveitaredes para ler e descansar.

Pero antes aínda vos debo unha reseña da pasada xuntanza do noso Club de novela histórica do martes día 20. Con tantos exames e avaliacións, de verdade, que non tiven nin un minuto para facela.
Pero agora é o momento.

Como sabedes, tocábanos ler O frío azul de Ramón Caride, unha apaixoante aventura ambientada en terras que coñece moi ben o autor -nado en Cea-, lugares da montaña ourensá e lucense tan fermosos como Doncos ou Oseira.


Alí mestúranse as lendas da muller corza coas peripecias de Lourenzo o abade. A expulsión dos xudeus coa vida dos monxes do mosteiro de Oseira, un lugar anclado no tempo e aínda hoxe cheo de vida, e que pode visitarse física ou virtualmente


As dúas Danielas fixeron a presentación e logo todos xogamos ao Pasapalabra que nos preparou Eva e que gañou un avantaxado Javi.
Disfrutamos tamén na comida da compañia dos rapaces correspondentes e pasámolo, coma sempre, moi ben.
Vémonos axiña.